قضية المشغولات الذهبية (الذهب) في محكمة الأسرة

النهاردة في 2024 أصبحت من أهم القضايا المعاصرة هي قضية المنقولات الزوجية (القايمة) وأهم ما فيها الذهب المذكور بها.

وكلنا نعلم أن العريس أو الزوج يكتب قيمة للذهب أعلى من الي إشتراها.

يعني بكل بساطة .. !!

العريس أو الزوج بيشتري مثلا مثلا 10 جرام ذهب لخطيبته وقت الخطوبة، ولكن قبل كتب الكتاب والدخول على الزوجة العريس بيمضي على القايمة الي بيكون فيها قيمة الذهب مثلا مثلا 50 جرام.

طيب إيه الوضع دلوقتي لو الزوجة إشتكت جوزها بالقايمة؟؟؟

وإيه الرأي القانوني في الفرق بين القيمتين؟؟؟

وإيه الرأي القانوني في الزوجة الي بتاخد دهبها معاها وهي خارجة من البيت وبرضوا تشتكي بالدهب؟؟؟

أسئلة كتير جدًا هنجاوب عليها في مقالاتنا إن شاء الله.

ولكن قبل الإجابة لازم الأول نفهم إيه هي القايمة من وجهة نظر القانون المصري، والقانون الواجب التطبيق هل هو قانون الأحوال الشخصية (قانون الأسرة) ولا قانون العقوبات (الجنائي).

 

القانون المصري عرف (قائمة المنقولات الزوجية) بأنها قائمة بكل المنقولات التي يستلمها الزوج على سبيل عارية الإستعمال.

و(عارية الإستعمال) هنا معناها إنك إستلمت مني مثلا مثلا عربية أو موبايل أو كرسي أو كتاب أو منقول لإستعماله بشرط عدم إمتلاكه والمحافظة عليه من الهلاك أو التلف أو النقصان وتكون إنت متحمل كل المسئولية عن أي حاجة تحصله.

يعني إنت كزوج هنا أمين على كل المكتوب في القايمة سواء كل المكتوب كان موجود في شقتك أو لأ.

وطالما إنت أمين على كل المكتوب في (قايمة المنقولات) يعني إنت مسئول عن تسليم كل المكتوب في القايمة.

والقانون الذي يطبق هو القانون الجنائي (العقوبات – الإجراءات الجنائية – التنفيذ الجبري) كل قانون في وقته والقوانين ذات الصلة.

وطبعا مسئوليتك القانونية هنا بتحدد بناء على المكتوب في القايمة .. يعني مثلا مكتوب في الإقرار الأخير إنك مسئول بردها قيمة أو عينًا وقت طلبها (صحصح وخلي بالك من النقطة المهمة دي).

يعني لو مكتوب كلمة (قيمة) أو (عينا) يعني إنت ممكن تديها القايمة زي ما هي .. أو تدفعلها الفلوس ثمنها ودا أنسب حل.

لكن لو مكتوب (قيمة) بس يعني حتي لو القايمة كلها عندك بحالتها زي ما هي .. مش هينفع لازم تردها قيمة فقطططططط ... يعني تدفع فلوسها فقط .. فشوف بقي إنت ماضي قايمة بكام!!!!

ولو مكتوب (عينًا) فقط وإنت القايمة نصها إتكسر ونصها إترمي في الشارع يعني حتي لو معاك حقها مش هينفعوك ولازم تديها المنقولات بعينها.

ولكن في أغلب الحالات الزوجة بتاخدها فلوس.

إيه الحل في قضية قايمة المنقولات وقضية تبديد الذهب وقضية تبديد القايمة ؟؟؟؟

الحل إنك أولا تثبت إنها أخدت ذهبها وهي خارجة من البيت، قبل ما هي تشتكيك وياريت تجيب شهود علي كدا من جيرانك.

يبقي حتي لو الزوجة عملت محضر تبديد (قايمة المنقولات) يبقي إنت هتتحاسب علي كل شيء ما عدا الذهب.

وعندنا أهم حل يحل قضية تبديد قائمة المنقولات الذهبية في مصر 2024 نهائي بدون أي شيء على الزوج حتي لو فكرت الزوجة تشتكي بالقايمة هخليك ترد عليها بكل بساطة وتقولها تبلها وتشرب ميتها.
ولو عاوز الحل دا شرفني بالتواصل علي رقم تليفون 01025037274